दक्षिण सोलापूर तालुक्यातील कुंभारी येथील आराध्य दैवत श्री गेनसिद्ध महाराजांचा भव्य यात्रा महोत्सव बुधवार, १८ मार्च ते रविवार, २२ मार्च २०२६ या कालावधीत मोठ्या उत्साहात साजरा होणार आहे. सलग पाच दिवस चालणाऱ्या या महोत्सवात धार्मिक विधी, कन्नड नाटके आणि कुस्त्यांच्या जंगी मैदानाचे विशेष आयोजन करण्यात आले आहे.
महोत्सवाचे प्रमुख आकर्षण आणि कार्यक्रम:
धार्मिक विधी व मिरवणूक: १८ व १९ मार्च रोजी पहाटे महाअभिषेक आणि रात्री ढोल-ताशांच्या गजरात भव्य बाशिंग काठीची मिरवणूक निघणार आहे.
सांस्कृतिक कार्यक्रम: २० मार्च रोजी ‘मारी कण्णू होरीम्याल’ हे सामाजिक नाटक, तर २१ मार्च रोजी ‘कलियुगदल्ली गरजीसिध्द कर्ण अर्जुन’ हे पौराणिक कन्नड नाटक सादर होईल.
कुस्त्यांचे जंगी मैदान: २१ मार्च रोजी सायंकाळी ५ वाजता भव्य कुस्त्या होतील. विजेत्या मल्लाला ‘श्री गेनसिद्ध केसरी’ किताब आणि चांदीची फिरती गदा प्रदान करण्यात येईल.
महाप्रसाद: यात्रेनिमित्त पाचही दिवस सकाळी ११ ते रात्री १० वाजेपर्यंत सर्व भाविकांसाठी महाप्रसादाची सोय करण्यात आली आहे.२२ मार्च रोजी रात्री ९ वाजता काठीच्या सांगता समारंभाने या सोहळ्याची सांगता होईल. सर्व भाविकांनी या महोत्सवाचा लाभ घ्यावा, असे आवाहन करण्यात आले आहे.
।। श्री गेनसिद्ध प्रसन्न ।।
“उजळवीन माझ्या गेनसिद्धाला” या भावनेवर आधारित विशेष भक्तीगीत प्रदर्शित करण्यात आले आहे. या गीतातून श्री गेनसिद्ध देवांवरील श्रद्धा आणि लोकपरंपरेचे दर्शन घडते.
