सोलापूर जिल्हा समाजसेवा मंडळ संचलित, संतोष भीमराव पाटील कला, वाणिज्य व विज्ञान महाविद्यालय, मंद्रुप येथे महाविद्यालयाच्या रौप्य महोत्सवी वर्षानिमित्त २१ व्या वार्षिक पारितोषिक वितरण समारंभाचे भव्य आयोजन करण्यात आले आहे. हा सोहळा बुधवार, दि. २५ फेब्रुवारी २०२६ रोजी सकाळी १०:०० वाजता ‘गांधी भवन, मंद्रुप’ येथे पार पडणार आहे.
कार्यक्रमाचे अध्यक्ष व प्रमुख पाहुणे:
या सोहळ्याचे अध्यक्षपद सोलापूर जिल्हा समाजसेवा मंडळाचे अध्यक्ष मा. श्री. प्रकाश कोळी साहेब भूषवणार आहेत. प्रमुख पाहुणे म्हणून आय.सी.ए.आर. राष्ट्रीय डाळींब संशोधन केंद्राचे संचालक मा. डॉ. आर. ए. मराठे उपस्थित राहून मार्गदर्शन करणार आहेत. तसेच युवा उद्योजक मा. श्री. सतीश भीमराव पाटील वडकबाळकर यांची प्रमुख उपस्थिती या कार्यक्रमाला लाभणार आहे.
संस्थेचे पदाधिकारी व मान्यवर उपस्थिती:
याप्रसंगी सोलापूर जिल्हा समाजसेवा मंडळाचे उपाध्यक्ष मा. डॉ. सी.जी. हविनाळे, मा. अॅड. संदेश कोळी, सचिव मा. श्री. एम. डी. कमळे, सहसचिव मा. प्रा. सुबोध कोळी, खजिनदार मा. प्रा. व्ही. के. पाटील, तसेच विश्वस्त मा. श्री. अमर जवाहर कमळे, मा. श्री. नागेश बिराजदार आणि मा. श्री. हर्षवर्धन जवाहर कमळे यांची विशेष उपस्थिती राहणार आहे.
नियोजनासाठी कार्यरत टिम:
कार्यक्रमाचे नियोजन प्राचार्य डॉ. एम. एन. जगताप यांच्या मार्गदर्शनाखाली समन्वयक डॉ. व्ही. एन. गायकवाड, सह-समन्वयक प्रा. डॉ. बी. एन. आदटराव, शा.शि. संचालक डॉ. एस. एस. तोखी, ग्रंथपाल श्री. व्ही. एस. गडगी, समिती सदस्य डॉ. जे. एल. मोरे, समिती सदस्या डॉ. जे. डी. नादरगी आणि निमंत्रित सदस्या डॉ. बी. एस. कोरे हे पाहत आहेत.
या रौप्य महोत्सवी वर्षातील पारितोषिक वितरण समारंभास सर्व नागरिक आणि विद्यार्थ्यांनी उपस्थित राहावे, असे आवाहन महाविद्यालयाच्या वतीने करण्यात आले आहे.
बातमी सादरीकरण: मनोज बनसोडे
