माळकवठे (प्रतिनिधी):
तहसील कार्यालय, दक्षिण सोलापूर यांच्या वतीने उद्या, शनिवार ७ मार्च २०२६ रोजी माळकवठे येथे भव्य ‘छत्रपती शिवाजी महाराज महाराजस्व समाधान शिबिर’ अभियानाचे आयोजन करण्यात आले आहे. हे शिबिर जिल्हा परिषद प्राथमिक शाळेत संपन्न होणार असून, एकाच छताखाली विविध शासकीय योजनांचा लाभ नागरिकांना मिळणार आहे.
शिबिराची महत्त्वाची माहिती:
मिळणारे दाखले: उत्पन्नाचा दाखला, नॅशनॅलिटी (राष्ट्रीयत्व), डोमिसाईल आणि नॉन-क्रिमीलेअर.
शासकीय योजना: संजय गांधी निराधार योजना, श्रावणबाळ योजना आणि विविध पेन्शन योजनांसाठी मार्गदर्शन व नोंदणी.
जमीन विषयक कामे: ७/१२ दुरुस्ती करणे, वारस नोंद करणे, नावातील बदल आणि घरकुल लाभार्थींना वाळू वाटप.
प्रमुख उपस्थिती: आमदार सुभाष (बापू) देशमुख आणि राज्य परिषद सदस्य हणमंतराव कुलकर्णी सर यांचे मार्गदर्शन लाभणार आहे.
वेळ आणि स्थळ:
दिनांक: शनिवार, ७ मार्च २०२६
वेळ: सकाळी १०:०० ते सायंकाळी ५:००
स्थळ: जिल्हा परिषद प्राथमिक शाळा, माळकवठे
नागरिकांनी या सुवर्णसंधीचा लाभ घ्यावा, असे आवाहन करण्यात आले आहे.
।। जनसेवा हीच ईश्वर सेवा ।।
